. . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Monday 12 June 2017

മാട്രിമോണിയല്‍


ഹൈവേയിലെ ബീവറേജിന് താഴു വീണത് കൊണ്ട് മൂന്നു കിലോമീറ്റര്‍ താണ്ടേണ്ടി വന്നു തൊട്ടടുത്ത ഓട്ട്ലറ്റ് വരെ പോകാന്‍....

വരിനില്‍പ്പ് തൊഴിലാളിക്ക് 300 രൂപാ കൊടുത്താല്‍ എന്ത്, വീശിനുള്ള ഇഷ്ട സാധനം റെഡി. ഇനി സഹമുറിയന്മാര്‍ കൂടി വന്നാല്‍ ആഘോഷം പൊടിപൂരം..

അല്ലെങ്കില്‍ തന്നെ ഇവന്മാര്‍ക്ക് ഒരു ക്രിത്യനിഷ്ടതയില്ല.. ഷെയറിന്റെ ആവേശം എങ്കിലും കാണിക്കണ്ടേ...

അവന്മാര്‍ വരുമ്പോള്‍ വരട്ടെ...

അല്‍പ്പം മദ്യം പകര്‍ന്ന് അതിലേക്ക് ഐസ്ക്യൂബുകള്‍ ഒന്നൊന്നായി ഇട്ടുകൊണ്ടിരിക്കുമ്പോള്‍ ആണ് ഫോണ്‍ റിംഗ് ചെയ്തത്....

"അമ്മെ... ഞാന്‍ രണ്ടു ദിവസം കഴിഞ്ഞ് എത്തില്ലേ.... അപ്പോള്‍ ചെയ്യാമല്ലോ.... അല്ലേല്‍ വേണ്ട ഇപ്പോള്‍ തന്നെ ചെയ്തേക്കാം..." അല്‍പ്പം നീരസത്തില്‍ മൊബൈല്‍ കിടക്കയിലേക്ക് എറിഞ്ഞു.... ഒഴിച്ചു വച്ചിരുന്ന മദ്യം ആവേശത്തില്‍ അകത്താക്കി...

ഈ അമ്മയുടെ ഒരു കാര്യം.... ദേഷ്യത്തില്‍ പിറുപിറുത്തു കൊണ്ട് ലാപ്പ്ടോപ്പ് കയ്യില്‍ എടുത്ത് മാട്രിമോണിയല്‍ സൈറ്റിലെ ഒഴിഞ്ഞു കിടക്കുന്ന സൈന്‍ അപ്പ് കോളങ്ങളില്‍ തന്റെ വിവരങ്ങള്‍ ചേര്‍ക്കാന്‍ തുടങ്ങി....

പേര് - ശ്യാം

വയസ്സ് - 32

ഡ്രിങ്ങ്കിംഗ് ഹാബിറ്റ്‌ - ഇല്ല

സ്മോക്കിംഗ് ഹാബിറ്റ്‌ - ഇല്ല
.....................................................................