നീ എന്‍റെ കുരുന്നു പാദങ്ങള്‍ക്ക്
എന്നും ബലമായിരുന്നു.
നിന്‍റെ കൈകളാല്‍ എന്‍റെ
കണ്ണുനീര്‍ ബാഷ്പീകരിക്കപ്പെട്ടു.
നിന്‍റെ പ്രവര്‍ത്തികള്‍ നിന്നെ
അനുകരിക്കാന്‍ എനിക്ക് പ്രചോദനമേകി.
നീയെന്ന ദൈവത്താല്‍ എന്നിലെ
പിശാച് നിര്‍വ്വീര്യമായി.
നിന്‍റെ അറിവായിരുന്നു എന്‍റെ
ആദ്യത്തെ അത്ഭുതം.
നിന്‍റെ കവിളിലെ സ്വേദ കണങ്ങള്‍
ആയിരുന്നു എന്‍റെ ആദ്യ രുചി.
നീയായിരുന്നു എന്‍റെ ജീവിതത്തിലെ
നിത്യ ഹരിത നായകന്‍.
നീയാകും വടവൃക്ഷ ചുവട്ടില്‍
ഞാന്‍ സുരക്ഷിതയായിരുന്നു.
നിന്നെ ഞാന്‍ കണ്ടത് അനുകമ്പയുടെ
അവസാന വാക്കായി ആയിരുന്നു.
നീയെന്നെ പഠിപ്പിച്ചത് ആത്മാര്‍തമായി
സ്നേഹിക്കാന്‍ മാത്രമായിരുന്നു.
എന്നിട്ടും പിതാവേ.....
എന്നിലെ സ്ത്രീത്വത്തെ ബഹുമാനിക്കാനും
അംഗീകരിക്കാനും നീയെന്തേ മറന്നു.
